مكرونة فيتوتشيني بالدجاج والمشروم

المقادير:

• كيس مكرونة شرايط مسلوقة(مكرونة رشتة)
  
• ¼ كيلو صدور فراخ متبلة ومقطّعة مكعبات
  
• كوب كريمة الطبخ
  
• ¼ كيلو مشروم شرائح
  
• ملعقة كبيرة زبدة
  
• ½ بصلة مفرومة
  
• ½ كوب مرق دجاج
  
• ملح وفلفل
  

ملحوظة:
ممكن تستبدلي المكرونة الشرايط بالمكرونة اللي متوفّرة عندك.

الطريقة:


1- ضعي البصل المفروم مع الزبدة في طاسة على النار، وبعدين حطّي عليها صدور الدجاج، وقلّبيهم مع بعض لحد ما الدجاج تستوي جيدا.

2- ضيفي المشروم والمرق على الفراخ، وقلّبيهم جيدا مع بعض، وفي الآخر
ضيفي كريمة الطبخ، وسيبيهم لحد ما يغلوا مع بعض، وبعدين تبّليهم بالملح
والفلفل.

3- بعدين ضيفي المكرونة على الصوص، وقلّبيهم مع بعض جيدا، وحطّي
المكرونة في أطباق التقديم، وممكن تزيّني الطبق بأوراق الريحان أو البقدونس
المفروم.. وبالهنا والشفا.