عسلامة
بسم الله الرحمان الرحيم و الصلاة و السلام على اشرف المرسلين
اليوم نواصل تكملة الجزء الثالث من تعلم الكلمات التونسية و ارجو ان الموضوع ينال اهتمامكم
و بصراحة اللي خلاني اطرح هذا الموضوع و على اجزاء
اني اتحمّست للفكرة لاني كنت نستغرب كيف حد يقولي ان اللهجة التونسية غير مفهومة و لكن فيما بعد فهمت السر
هي اللهجة واضحة معظمها .. لكن الي يكون ما يعرفهاش و يسمعها سمع تجيه سريعة و ما يفهمها
هاذي هدية مني ليكم و كل سنة و تونس و كل بلاد المسلمين بخير
وعدتكم اني نكمل اليوم ب تسميات ادوات المطبخ و اللبس و البقول و مسميات اللحوم و فواكه البحر و الصلصات و الزيوت و النشويات و اشياء اخرى
نبداء على بركة الله
كوجينة : مطبخ
سكينة: سكين
مغرفة: ملعقة
فركيتا:شوكة
صحن:طبق
قصعة:طشت
صحفة:بولة او زبدية
كاس:كباية
طنجرة:حلة
كوكوت:حلة الضغط
قلاية:مقلاة
كوشة:الفرن
ميكوواند: الميكوويف
قلقال : النشابة
ززوة:كنكة
براد:براد الشاي
قديد: اللحم المجفف
لحم علوش: لحم الضاني
العلوش: الخروف
المصارن:ممبار
حوت :سمك
قرنيط:اخطبوط
ببوش: صدف
تن:تونة
مرقاز: سجق
صلامي:لانشون
حليب: لبن
ياغورت:زبادي
جوفريت: ويفر
لوبيا:فاصوليا
برغل: برغل
قسطل: الكستناء او ابو فروة
الشامية: حلاوة طحينية
هريسة:صلصة الفلفل الحار
قطانية:ذرة
زيت قطانية:زيت ذرة
كريمة:كاسترد
بشكوتو: بسكويت
التاي: الشاي
سكر مرحي : سكر بودرة
معجون : مربى
خميرة قاطو: خميرة كيميائيةبيكنج باودر)
دويدة:الشعيرية
فارينة:دقيق
سميد:سيمولينا
سميد ارطب:سميد ناعم
مريول: تي شرت
سورية:قميص
مريول خلعة :فانلة
سليب: كيلوت لباس داخلي
سروال: بنطلون
vest: جاكيت
كبوط: بالطو
كلاست: شراب
كاشكول: كوفية
شابو:قبعة
فراشية:بطانية
كوات:لحاف
ملحفة:ملاية
جراية: مرتبة
زربية:سجاد
ساك: شنطة
يلا يا بنات نحبكم تحفظو الكلمات هاذم (دول) فيسع (بسرعة) بش نجيبلكم كلمات جديدة غدوة (بكرة) ان شاء الله
ردو بالكم على رواحكم ( خدو بالكم من نفسكو)نحبكم برشا
05.03.14 14:18 من طرف 
موضوع: مفيش اسهل من اللهجة التونسية3 
