كيكة مميزة بالطعم والشكل

هاذي مقادير كيكة انا عن نفسى بستخدمها ومش بعمل غيرها ومقاديرها سهلة جدا وبسيطة
فى البداية هتحمى الفرن على الاخر قبل ماتشتغلى
المقادير:
7بيضات كبار(لو مش اتوفر الكبير استخدمى 8وسط)
2كوب دقيق (كوب النسكافيه مثلا)
كوب سكر(نفس الكوب
ورشة فانيلا
وبس
الطريقة:
تحطى البيض مع السكر والفانيلا زتضربيهم بمضرب البيض لحد مايعمل زى قوام الكريم شانتيه وبياخد وقت شوية تقريبا من ربع لتلت ساعة بدون توقف (لما اختى عملتهاخدت نص ساعة علشان المضرب كان بطئ وواحدة صاحبتى اخدت منها حوالى 10 دقايق لانها عملتها فى العجانة)
وبعد ماينفش هتجيفى معلقة معلقة من الدقيق وتقلبى بمعلقة عريضة او سباتيولا فى اتجاه واحد ومن فوق لتحت وبالراحة علشان البيض مش يهبط
وبعد ماتتاكدى ان الدقيق كله اختفى تصبيها فى الصينية بحيث تكون مليانه لنص الصينية انا بعملها فى صينيه على شكل قلب وبتكون كبيرة
هتهدى الفرن على الاخر على اقل درجة وتحطيها فى الرف الاوسط لمدة45دقيقة ولما تطلع طلعيها على شبكة بعد 10دقايق من لما ترتاح فى الصينية ومش تحاولى تقطعيها وهى سخنة علشان مش تتفتت وتقسميها وتحشيها مربى ومكسرات وجوز هند وبعدين تعملي كريم شانتيه هيكفى انك تغطيها من برة وبعدين تزوقيها بالفاكهة او بالشيكولاته
وبالف هنا

يعطيك الصحه

مرسي

اممممممممممممممم ضاهر فيها بنينة من ايدك
يعطيك الصحة

مرسي نوسة جربها تو تعجبك